Asteroid veličine autobusa od 12 metara proletio je u nedielju “tik” pored naše planete, prenose agencije.

Stijena veličine autobusa proletjela je na udaljenosti od oko 190.000 kilometara, a, prema astronomskim mjerilima, to znači da nas je mimoišla “za dlaku”.

Na sreću, od ovog širokog asteroida 2012 JU Zemlja ni u jednom trenutku nije bila u opasnosti.

Inače, kako piše “Dejli mejl”, bila nam je bliža od Mjeseca, koji je od Zemlje udaljen 380.800 kilometara i još jednom nas je podsjetila na mogućnost sudara sa nekim od ostataka iz dana nastanka Sunčevog sistema.

Asteroid 2012 JU je već dva mjeseca putovao iz pravca Marsa ka nama, da bi sada nastavio ka Jupiteru.

Ove godine je već nekoliko asteroida prošlo na razdaljini manjoj od one na kojoj se nalazi Mjesec, a astronomi najavljuju isti trend i u maju, kada će najmanje još dva asteroida proći blizu Zemlje.

NASA trenutno prati više od 8,900 asteroida blizu Zemlje i traži one koji bi mogli predstavljati opasnost za Zemlju.

Prilikom kruženja oko Sunca, asteroid na svom putu prolazi pored orbita Marsa i Zemlje, i to svake 3,2 godine.

+ 13

+ 9